«

»

طباعة الخبر

  7 4103  

بفتخر في عزوتي (المعمر والنعم كل ٍ يقوله)





  لانزكي انفسنا على احد ولكن الفخر حق مشروع
افخر بأسرتي وقبيلتي دون قصور بكل الأسر والقبائل
المنتمية لها عذرآ لمشاعر وفاء وانتماء لأسرتي الكريمه

بفتخر


ياحـروف الشعـر وجـزال المثـايـل

                                                 اقربي والشعر اله صولـه وجولـه
بفتخر فـي عزوتـي والـراس طايـل

                                                     الـمـعـمـر والـنـعــم كــــلٍ يـقــولــه
المعمـر مــن تمـيـم اهــل الفعـايـل

                                                  اهل اماره واهل علم وراس طوله
عـن سـنـام المـجـد مانقـبـل بـدايـل

                                                  مــن تمـيـم الـعـز والعلـيـا ذلـولــه
يـشـهـد الـتـاريـخ بـثـبـات ودلايـــل

                                               عن مسيـرة مجـد تكسيـه البطولـه
الكـرم والسيـف والخيـل الاصـايـل

                                                 والـمـبـادي والـعـوايـد والـرجـولـه
المـعـمـر فـعـلـهـم لـلـعـقـل هــايــل

                                               وكـل عينـن ناظـرت فيهـم خجـولـه
تاج راسي مجد وعصور و سلايـل

                                              شجرةٍ غيث السماء تسبق هطوله
ساسهـا ثـابـت مــن ايــام الاوايــل

                                                لوفرعها من طولها ما احـدٍ يطولـه
لويطـول الوصـف تـزداد الخصايـل

                                             والجمـال اللـي تغنـي بــه فصـولـه
سيـرةٍ تحكـي فـخـر والـشـك زايــل

                                             لنشكـر الله والشهـاده مـن رسولـه

الحوراء بنت نجد (س > آل معمر ) 1434 هــ

وصلة دائمة لهذا المحتوى : https://al7wraa.net/?p=731

7 التعليقات

إنتقل إلى نموذج التعليقات

  1. يتيم الامه

    ونعم كلا دون عانية

  2. ابو تميم

    عن سنام المجد مانقبل بدايل. .والف نعم من تميم وأخص ال معمر صح لسانك يالاميرة

    1. admin

      ابوتميم ماعليك زود هذا من طيبك

      حياك الله اسعدني تواجدك

  3. حنان

    ماشاء الله حروفك تلامس العواطف اختي الكريمة
    ابدعتي بالتوفيق

  4. يتيم العلا

    يـشـهـد الـتـاريـخ بـثـبـات ودلايـــل
    عن مسيـرة مجـد تكسيـه البطولـه
    الكـرم والسيـف والخيـل الاصـايـل
    والـمـبـادي والـعـوايـد والـرجـولـه

    يني تميم اهل الجمايل لهم في مجلس صيت وجوله

    وسبعه انعام فيكم والكلام قليل بحقكم تستاهلون الطيب وكل خير ..

  5. سليمان

    صح لسانك وكفووو

    1. admin

      صحت روحك اشكرك سليمان

أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *